香港推動金融科技，立法會選委界別議員吳傑莊就趁立法會「放暑假」，喺上星期訪問韓國4日，拜訪韓國政府部門、議員同科技金融企業，分享香港嘅數字資產同Web3政策進展。

吳傑莊同中國駐韓國大使館公使方坤會面，介紹香港立法會運作同數字資產政策進展，又參加喺韓國國會舉辦嘅數字資產政策交流會，分享香港喺數字資產交易所、服務提供商同穩定幣等領域嘅立法進展。佢亦同部分韓國國會議員、韓國金融委員會代表等，交流Web3同數字資產立法經驗。

另外，吳傑莊拜訪咗幾間韓國企業，邀請對方拓展香港業務，包括已有香港分支嘅新韓金融集團同其旗下新韓信用卡公司、科技公司Lambda Blockchain等，並接受韓國Web3網媒「TokenPost」訪問。